AMA, AKO’Y DUMUDULOG (O Master, Let Me Walk with Thee)

  115

AMA, AKO’Y DUMUDULOG

(O Master, Let Me Walk with Thee)

Ama, ako’y dumudulog 

Sa mayaman Mong pag-irog,

Sumasamo akong lubos, 

Kahabagan ang pagluhog.

Ama, ako’y marapating 

Sa sala ay patawarin,

Nagsisisi akong tambing 

Sa masama kong isipin.

Jesus, ako’y Iyong bigyan 

Ng pusong may kalinisan,

Isang pusong hinugasan  

Sa Korderong dugong banal.

Diwang Banal, panahanan, 

Puso ko ng kabanalan.

Ang buo kong kabuhayan 

Ay dalisayin Mong tunay.

Musika:  HBaker

NAIS KONG SABIHIN ANG AKING ISIPAN (No One Ever Cared Like Jesus)

  114

NAIS KONG SABIHIN ANG AKING ISIPAN

(No One Ever Cared Like Jesus)

Nais kong sabihin ang aking isipan 

Magmula nang S’ya’y aking matagpuan,

Kung paanong nabago ang aking buhay 

Dahil sa banal Niyang pagmamahal.

Koro:

Oh walang kasing tamis lumingap, 

Tulad ni Cristong mapagliyag,

Oh, wala nang tanging makapag-iingat

Liban sa Mangliligtas.

Ang buhay ko ay tigib ng kasalanan 

At puso’y sakbibi ng agam-agam

Nguni’t nang kamay ko ay Kanyang hawakan,

Nagliwanag ang daang nilalakbay.

Araw-araw ay may bagong katiyakan 

Ang hiwaga ng Kanyang pagmamahal,

Nguni’t ang sanhi ay di ko malaman

Hanggang S’ya ay makita nang mukhaan.

Titik:  AGCabildo

Musika:  CFWrigle

AMA NAMIN (The Lord’s Prayer)

 111

AMA NAMIN

(The Lord’s Prayer)

Ama namin sa kaitaasan 

Banalin ang ngalan 

Kaharian ay dumatal 

Gawin ang ‘Yong kalooban.

Bigyang pala araw-araw 

Patawarin ang aming mga kasalanan

At sa tukso ay h’wag tulutan 

Iligtas sa kasamaan 

Iyo ang kaharian, kapangyarihan,

Kal’walhatian kailan pa man. Amen.

Titik:  AGCabildo                                                    
Musika:  AHMalotte

KUNG SI JESUS ANG AKING KASAMA (O that Will Be Glory)

 110

KUNG SI JESUS ANG AKING KASAMA

(O that Will Be Glory)

Kung si Jesus ang aking kasama, 

Ako’y ligtas sa mga pangamba;

Malapit lamang ako sa Kanya, 

Ang ligaya ko ay walang hangga.

Koro:

Ligaya ko’y (Ligaya ko), 

Walang hangga (walang hangga),

Ligaya ko (ligaya ko) 

Kung makita (kung makita)

Ang mukha Niyang kaayaaya, 

Kaligayahan ko’y walang hangga.

Ang kaligtasan na walang hanggan,

Sa akin ay laging nakalaan;

Kung sapitin ang langit na bayan,

Kakamtin ko’y walang hanggang buhay.

Sisikapin kong ito’y matanggap,

Doon sa aking Tagapagligtas,

Upang kung dumating na ang wakas,

Maligayang sa Kanya’y haharap.

LAKAD TAYONG HUKBO NG DIOS (Even at the Door)

 109

LAKAD TAYONG HUKBO NG DIOS

(Even at the Door)

Lakad tayong hukbo ng Dios, 

At labanan nating lubos,

Kasalanang naglulugmok 

Sa pighati’t lungkot.

Koro:

Sa pinto, sa pinto, 

Sa pinto’y naroon si Jesus,

Nakahandang pumatnugot, 

Sa digma’y h’wag matakot.

Balita ng pagbabalik 

Ni Cristo ay maririnig, 

Di lalao’t mamamasid, 

Mal’walhating langit.

Magsikakp ng walang patid, 

Kaligtasan ay ihatid,

Ibalita sa daigdig, 

Ang Dios ay pag-ibig.

TAYO’Y MAGLAKBAY SA CANAAN (Marching On To Canaan)

 106

TAYO’Y MAGLAKBAY SA CANAAN

(Marching On To Canaan)

Tayo’y maglakbay sa Canaan, si Jesus ang kaakbay,

Sa dakong ilang na daanan, lagi S’yang kaagapay,

Sa hirap o sa panganib, tayo’y di maaamis,

Si Cristo ang tatangkilik, sa daa’y maghahatid.

Koro:

Di magbabago

Paglakad sa saganang lupa ng Canaan;

Di magbabago 

Si Cristo sa atin ay pumapatnubay;

Di magbabago 

Paglakad sa saganang lupa ng Canaan;

Di magbabago 

Sa paglakad sa masiglang paglalakbay.

Sa dakong ilang na nilakad ang mana ay tinanggap,

Tulad sa hamog kung malaglag, sa daa’y kumakalat

Tubig na pamawing uhaw, galing sa Batong Buhay,

Sa pagkai’y di kinulang sa mahabang nilakbay.

Dagat at ilang ang nilakbay tungong lupang Canaan,

Gatas at pulot na dalisay masaganang kinamtan,

Sa araw’y haliging ulap, at ningas sa magdamag.

Ang patnubay na liwanag sa nilakad na landas.

Tayo ay lumakad nang datnin, langit nating mithiin,

Hirap ay h’wag alintanahin, si Jesus ay kapiling.

Ang lupang pangako’y atin, tayo’y di maninimdim,

Kung puso’y ialay natin, ang l’walhati’y kakamtin.

Titik:  ObMBValdez

TINIG NG PAG-AAWITAN (Mine Eyes Have Seen the Glory)

 103

TINIG NG PAG-AAWITAN

(Mine Eyes Have Seen the Glory)

Tinig ng pag-aawitan ang siyang naririnig,

Kawal ng katotohanan ang siyang nananaig;

Sa larangan ng digma ang bandila ay pag-ibig;

Hayo’t makisanib.

Koro:

Lakad-lakad h’wa umurong,

Si Jesus ang S’yang katulong;

Lakad-lakad magpatuloy,

Tagumpay mayroon!

Hukbo ng kalalakihan ang siyang nangunguna,

Sa lahat ng gawaing nauukol sa Iglesia;

Ang mga kababaihan ang siyang pngalawa,

Hayo’t makisama!

Kabataan maglingkod sa piling ng Panginoon,

H’wag ka nang magpaliban pagkat ngayon ang panahon, 

Di ka dapat mangamba ang Dios ang laging tutulong; Lakad magpatuloy!

Pagtulungang itatag ang kaharian ni Jesus,

Kawal ng kasamaa’y piliting lansaging lubos:

Upang makalaya ang kaluluwang nakagapos,

Hayo’t makihamok!

Musika:  Wsteffe

 

SI JESUS SAAN MANG DAKO KASAMA (Anywhere With Jesus)

 101

SI JESUS SAAN MANG DAKO KASAMA

(Anywhere With Jesus)

Si Jesus saan mang dako kasama,

Ay ligtas ako sa hirap at dusa,

Kung saan wala S’ya ay di sasala

Na walang mararanasang ginhawa.

Koro:

Kung Siya’y kaakbay, kahit na saan,

Kahit na saan ay may kaligtasan.

Dahil kay Jesus ay di magdaramdam,

Na talikdan ng mga kaibigan,

Ang Kanyang kamay ang sa ‘ki’y tatangan

At saan  man ay may kapanatagan.

Kahit na maghari ang kadiliman,

Sa kandungan N’ya’y payapang hihimlay,

At kung magising sa kabilang buhay

Ay kapiling N’ya sa kal’walhatian.

Titik:  ObLGTrinidad

Musika:  KKaiser

SA DIGMA’Y PATNUBAY NATIN SI JESUS (Forward)

 100

SA DIGMA’Y PATNUBAY NATIN SI JESUS

(Forward)

Sa digma’y patnubay natin si Jesus,

Hindi masisinsay ang Kanyang utos,

Mangyayaring balak N’ya’y di matarok

Nguni’t tayo’y susunod.

Koro:

Sulong, sulong ating lakbayin,

Sulong, sulong nasang lupain,

Sulong, sulong ating awitin

Ang tagumpay, sa Hari natin.

Lakas ng kalaba’y di mananaig, 

Si Cristo’y sandatang siyang panglupig,

Ang tabak ng Diwang Banal ang gamit,

Sunding walang tigatig.

Digma’y magngalit ma’y di magluluwat  

Samahan natin ang hukbong mapalad,

Awit ng tagumpay ang ihahayag,

Kung sunding walang liwag.

Titik:  VDDiolanda

Musika:  GCTullar

KUNG ANG BUHAY MO AY GIYAGIS (Count Your Blessings)

 96

KUNG ANG BUHAY MO AY GIYAGIS

(Count Your Blessings)

Kung ang buhay mo sa twina’y giyagis, 

At ang puso mo ay laging may hapis,

Alalahanin mo ang Dios sa langit,

May dulot na biyaya at pag-ibig.

Koro:

Ang biyaya N’ya ay bilangin, 

(Ang mga biyaya N’ya ay bilangin,)

Pag-ibig Niya ay alalahanin, 

(Pag-ibig Niya ay alalahanin)

Ang pag-ibig N’ya’y lasapin, 

 (Ang Kanyang pag-ibig)

Ang pagibig Niya’y gunamgunamin

Kung mahirap man ang ‘yong kabuhayan, 

At ikaw ay parating nalulumbay,

Pag-ibig N’ya’y alalahaning tunay,

Ang lungkot mo’y magiging kasayahan.

Kung ang kapwa ay may kaginhawahan,

At ikaw’y salat sa maraming bagay,

H’wag ikalungkot ang ‘yong kalagayan,

Nalalaman ng Dios ang iyong buhay.

Kung ang dusa’t hapis ang naghahari,

H’wag matakot, S’ya’y kapiling mong lagi,

Ang suliranin mo ay isangguni,

At kahirapa’y magiging l’walhati

Titik:  PVAbesamis
Musika;  EOExcell

DIOS AY MOOG NA MATATAG (A Mighty Fortress Is Our God)

 97

DIOS AY MOOG NA MATATAG

(A Mighty Fortress Is Our God)

Dios ay moog na matibay, 

Kutang di maihahapay;

Tulong sa sakit sa buhay, 

Sa lahat nagtatagumpay.

Ang ating kalaban, 

Sa ‘ti’y nakaabang;

Lubhang mapaglalang, 

Poot naglalatang,

Sa lupa’y walang katambal.

Kung aasaha’y sarili, 

Sadyang walang mangyayari,

Kung hindi natin kawaksi 

Pili ng Dios na lalaki.

At sino nga ito?  

S’ya si Jesu Cristo, 

Ang Puno ng Hukbo, 

Hindi magbabago,

Sa laban ay mananalo.

Mundo  man, ng diablo’y tigib, 

Sa ati’y nasang lumupig, 

Walang takot, Dios ay nais, 

Katotohana’y manaig.

Ang hari ng lagim, 

Walang lakas sa’tin,

Galit n’ya’y tiisin, 

Wakas n’ya’y darating,

‘Sang kataga’y aaringking.

Katagang tigib ng bisa, 

Nangingibabaw sa madla;

Atin ang Diwa’t biyaya 

Ng sa ati’y nagpapala.

Lahat na’y mawala, 

Buhay ma’y mapatda

Katawa’y masira; 

Dios ang pag –aadya,

Hari ng langit at lupa.

Titik:  VGCabildo

Musika:  MLuther

KAWAL NG KRUS, MAGBANGON (Stand Up, Stand Up for Jesus)

96

KAWAL NG KRUS, MAGBANGON

(Stand Up, Stand Up for Jesus)

Kawal ng krus, magbangon, si Cristo ay sundan;

Banal Niyang bandila’y ating iwagayway.

Hukbo’y pangungunahan sa pananagumpay,

Hanggang Kanyang masupil ang bawa’t kaaway.

Tindig, tindig, O kawal, tambuli ay dinggin;

Sa pakikipaglaban, hayo’t magtumulin;

Kalaba’y di mabilang, dapat na lupigin,

Ang puso ay tapangan, Dios ay kasi natin.

Kawal ng Dios, magbangon, sa Kanya manangan,

Lakas ay lumilipas ng bisig na laman;

Gamitin ang baluti ng aral na banal,

Pagtawag ng tungkulin, h’wag kang magkukulang.

Tindig, tindig, O kawal, laba’y di lalawig,

Paglipas ng digmaan, Bayani’y titindig,

Putong ng karangalan, kanyang makakamit,

At s’ya’y makakapiling ng Hari ng langit.

Titik:  VGCabildo

Musika:  GJWebb

ANG DIGMAA’Y NAGLALATANG (The Fight Is On)

94

ANG DIGMAA’Y NAGLALATANG

(The Fight Is On)

Ang digmaan sa laranga’y naglalatang 

Makihamok ang isinisigaw,

Hukbo nati’y magwawagi sa labanan, 

Ang tagumpay Niya’y mamamasdan.

Koro:

Ang digmaan ay naglalatang, 

Sulong, O Kristianong kawal,

Ang kagayakan ng kabanala’y 

Panglupig sa kasamaan.

Sa digmaa’y h’wag manglupaypay, 

Lakas Niya’y panghawakan,

Kung Dios ay atin, maaasahang 

Aawitin ang tagumpay.

Naghahamok, mga kawal, magbalikwas, 

Nangunguna ang Tagapagligtas,

Isakbat mo ang baluti at kalasag,

Sa lakas N’ya ay magpakatatag.

Panginoon ang patnugot sa tagumpay, 

Bahagharing tipa’y kumikinang,

Pupurihin ang dakila N’yang pangalan,

Magniningning ang kapayapaan.

Musika:  CHMorris

SI JESUS ANG SIYANG DAAN (Rock of Ages)

93

SI JESUS ANG SIYANG DAAN

(Rock of Ages)

Si Jesus ang S’yang daang marapat na lakaran;

Di ako maliligaw sa landasin ng buhay;

Sa gitna ng karimlan, Ilaw na tumatanglaw.

Hanggang may lakas ako, may tibok ang puso ko,

Susundin Kang totoo kahit saan mang dako

 Na ako’y isugo Mo dahil sa Ebanghelio.

Ihahandog kong tunay kalul’wa at katawan,

Dunong at kayamanan, hanggang sa kamatayan; 

At ako’y laging laan, o Jesus, aking mahal.

Titik:  Ob.Fgregorio

Musika:  THastings

SA IYO, O AMA (Blest Be the Tie that Binds)

90

SA IYO, O AMA

(Blest Be the Tie that Binds)

Sa Iyo, O Ama, ay tumatalaga 

Ngayon sa aming pagsamba, Ikaw ang manguna

Kami’y dumudulog, sa ngalan ni Jesus,

Puso ay linising lubos ng dugong umagos.

Sa pagwawagayway ng banal Mong aral, 

Nawa sa ami’y ibigay, Espiritung Banal.

Tulong Mo’y igawad, magkaisang lahat,

Maging ilawang ningas, magpahanggang wakas.

Amen.

Titik:  PdeGuzman

Musika:  HGNageli

ANG BUHAY AY ORAS NG GALAK (Singing Along)

88

ANG BUHAY AY ORAS NG GALAK

(Singing Along)

Ang buhay ay oras ng galak at ganda 

May awit na masigla;

Maging sa panunungkula’t pagdurusa 

Ay makaaawit ka.

Koro:

Umaawit sa kagalakan, 

Umaawit habang naglalakbay;

Umaawit sa kalungkutan, 

May awit kay Cristong Dios na tunay.

Ang Dios ay purihin natin sa pag-awit 

Dahil sa pagtangkilik;

T’wing tayo’y magpapailanglang ng tinig 

Tayo ay dinirinig.

Makisama sa aming pag-aawitan 

Kay Cristong Dios na tunay;

Bawa’t hakbang mong Kanyang liliwanagan, 

May awit ka ng buhay.

Titik:  LSSarmiento

SA PUSO’Y MAY SINAG-ARAW (There Is Sunshine In My Soul Today)

84

SA PUSO’Y MAY SINAG-ARAW

(There Is Sunshine In My Soul Today)

Sa puso’y may sinag araw, 

Laging tumatanglaw;

Liwanag, walang kapantay, 

Si Cristo ang ilaw.

Koro:

Mal’walhating sinag-araw, 

Bawa’t oras na nagdaraan;

Kung si Cristo’y masilayan, 

Laging may sinag-araw.

May awit sa aking dibdib, 

Sa Hari’y may awit;

Biyaya ang sinasambit, 

Dahil sa pag-ibig.

Ligaya na di malirip, 

Pag-asa’t pag-ibig; 

Ang sa aki’y hahatid 

Sa lunggating langit.

Titik:  AGCabildo

Musika:  JRSweney

KAY LIGAYA KUNG AKO’Y NAGLILINGKOD (In the Service of the King)

 83

KAY LIGAYA KUNG AKO’Y NAGLILINGKOD

(In the Service of the King)

Kay ligaya kung ako’y naglilingkod 

Sa Hari  kong Manunubos;

Kapayapaa’t kagalaka’y lubos, 

Kung ako’y naglilingkod.

Koro:

Kung ako’y naglilingkod, 

Ang buong kaya’y handog;

Ang tuwa’y di matatapos 

Kung sa Kanya’y maglingkod.

Ang tinatangkilik ko ay dadalhin 

Kay Jesus na aking giliw;

May galak, kapayapaan at aliw 

Na walang pagmamaliw.

Ang patnubay ng Kanyang mga kamay, 

Ang sa aki’y nagbabantay,

At ako’y panatag sa paglalakbay, 

Kung Siya ang kaakbay.

Musika:  BDAckley

MAY DALA KA BANG GINTONG ARAL? (Serving Jesus)

 82

MAY DALA KA BANG GINTONG ARAL?

(Serving Jesus)

May dala ka bang gintong aral 

Sa lahat ng makasalanan?

Handa ba ang iyong buhay 

Na ihandog kay Cristo lamang?

Koro:

Kay Cristo maglingkod ng wagas,

Asahan mo ang Kanyang lingap,

Ang tulong N’ya sa’yo’y isasakbat

Kung ikaw’y ganap.

At S’ya’y h’wag mong hihiwalayan, 

Kahi’t anomang kasapitan;

Buong puso sa Guro’y ibigay 

Hanggang sa kawakasan

Buhay mo ba’y nagliliwanag 

Sa kalulu’wang mayroong ulap?

May tinig kabang tumatawag 

Sa lahat ng napapahamak?

Taglay mo ba sa iyong dibdib 

Ngalang Jesus na iniibig?

Kung laan kang magpakasakit, 

Ay may gantimpala sa langit.

Titik:  ObLGTrinidad

Musika:  HGSmyth