4
(Confidence)
Panginoon, samahan Mo ako,
Bawa’t hakbang ay patnubayan Mo,
Nang malayo sa hibo ng mundo
At tanglawan t’wina ang buhay ko.
Koro:
Mga kamay ko’y Iyong hawakan,
At sa landas ako ay samahan,
Itulot Mong ang lagi kong kamtan,
Ang tulong Mong makapangyarihan.
Ang maruming buhay kong nagdaan,
Linisin ng Iyong dugong banal,
Samahan Mo upang di masinsay,
At nang kamtin ang pagtatagumpay.
Kalul’wa ko ay di masisindak,
Sa piling Mo ay laging matatag,
Ang bitag ng diablo’y mawawasak,
Pagka’t ang pag-iingat Mo’y ganap.
Titk: ACYlagan
Musika: HARodeheaver
No comments:
Post a Comment